Hey Jag-Janani Maa! tujhe pranam
Tere gun gayen ham aatho yam.
Ganga-Yamuna se bhi badh kar,
Tera yeh prem-pravah.
Kat jate paap janmon ke,
Ho jati poori sab chah.
Hey Jag bandini Maa! tujhe pranam - Tere gun.
Saare jag me ab tere
Prem ki ganga bah rahi hai.
Teri prem-jyoti se
jan-manas jag rahi hai.
Hey divya-janani Maa! tujhe pranam - Tere gun.
Khil rahe hain kamal sarvatra,
Chhane lage sugandh.
Dashon dishaon me gayen
gungaan makarand.
Hey Sahastra dal swamini Maa! tujhe pranam - Tere gun.
Hain ham daas tere,
Teri ichchha ke hain gulam.
Karen samarpan charanon par tere,
Tan-man jivan dhan dham.
Hey Mokshs-pradayani Maa! tujhe pranam - Tere gun.
