Sahaja Yoga Dayini

Tuesday 18 January 2005.

1

Sahaja yoga dayini yogeshwari,

Mahan tera avatar hai.

Maha shakti mahati maheshwari,

Mahat tera vistar hai.

2

Maha Rajni Mahadevi,

Mahima teri mahan hai.

Mahan vibhution ki swamini,

Mahan teri shan hai.

3

Maha Laxmi Maha Saraswati,

Maha Kali tu Maha Maya hai.

Virat ki shakti Viratangna,

Tujhme Brahmand samaya hai.

4

Madhya me sthit madhyama,

Parikrama sab teri karte hain.

Madhya marg gami jan,

Santulan tujhse pate hain.

5

Tujhse se hat kar chalane wale,

Khate anekon aaghat hain.

Path-vichlit taron ke,

Ho jate ulkapat hain.

6

Hey Tribhuvan Swamini! tujh sam,

Kahin na koi paya hai.

Neti-neti kah gaye Ved charon,

Par na koi paya hai.

7

Shramit huwe sab shatra-puran,

Bhed na koi paye hain.

Par bhakton ke khatir roop dhare,

Kshan me dardhan paye hain.

8

Hey Devi Prasnna vadane!tune,

Sab kleshon ka haran kiya.

Ho gai puri sari aashayen,

Jab se tune sharan diya.

9

Bane rahen ham sada balak tumhare,

Shri Ganesh Yeshu ka dhyan karen.

Nishpap Nishchhal Nirmal ban,

Bhakti- bhav se tera samman karen.

Forum