Prabhu ki ichchha shakti se, hua sristhi nirman.
Hain sab me Kundalini Maa, divya-prem praman.
Maa Nirmala ke charnon ka, karate jo nit dhyan.
Har pal Maa unko rakhatin, apane pran saman.
Kya de sakte hain Maa ko bhala, hain ham unke lal.
Ho samarpit matri-charnon par, kat len mayajal.
Sannidhya me Maa ke, har pal rahana hi hai dhyan.
Maa ki ichchha ban kar, ban jao pushpa saman.
Maa hi prem hai, Maa hi hamara jivan.
Maa hi divyata, kshama, karuna ka murtiman.
Maa hi mahamaya, Maa hi mahakal.
par Maa ke anchal ki chhaon me, koi na jag-janjal.
Maa hi gyan-vigyan, Maa hi jag-jahan.
Maa hi Parmatma, Maa hi mayapati bhagwan.
Brahma, Vishnu, Mahesh, Ram ,Krishna ,Hanuman.
Paintis-koti dev-gan, shri Maa ko hi jan.
Maa ki mahima hi, Shri Ganesh ka gyan.
Maa hi Mary Jesus, sab se bada kshamavan.
Shri Maa ko janana hi, sab gyanon ka gyan.
Moksh-pradayini Maa Nirmala, sab se pare mahan.
Chipke na raho bhut se, vartman sada mahan.
Aaj ka satya sahaj, vartman me jaan.
Kar lo uddhar swayam ka, ho jao samarpit aaj.
Sahaja me "Divya" swayam, aaya karane yeh kaaj.
Sahajayog me jam jao, ban jao tum niv.
Maa ke aashirvad se, ho jaoge chiranjiv.
Parmatma ke priya balak ban, ban jao tum neek.
Karya apane karate raho, bane raho nirbhik.
