Sansaar ko sundar banaya hai aapne,
Bhatkon ko marg dikhaya hai aapne,
Aapke prem ke saagar mein doob jane ko jee chahta hai.
Aisi mehak jo pehle kabhi mehsoos na ki ho,
Aisa anand jiski koi seema no ho,
Har pal koi nai dhun gungunane ko jee chahta hai.
Dil mein nai umangen jaagne lagi hain,
Soone jeevan ko jaise nai aas mil gayi hai,
Aapki karunamayi aankhon mein kho jane ko jee chahta hai.
Ye ehsaas kuch naya hai jo sab kuch bhula deta hai,
Kis tarah aapka dhanyawad karun main nahi jaanti,
Aapka haath hamesha mere sir par rahe, bas yehi vinti karne ko jee chahta hai.
