Hey maa! tera prem hi amrit,
Mritkon me pran phunkata jaay.
Chaitnya-pravah nirantar tere,
Charanon se bahata jaay.
Jivan sinchit karata jaye,
Nirmal chit karata jaay.
Tere prem-pavan se jivan,
Lahar lahar laha raay.
Gyan ki drishthi de sab ko,
Bhulon ko raah dikhay.
Hai tera prem hi prakash,
Nash tam ka karata jaay.
Moksha hai anupam prem tera,
Bhav-pash katata jaay.
Pavitra anal ki jwala me,
Jag-janjal jal jaay.
Gyan-vigyan ka udgam,
Agyanta ko dur bhagay.
Atma-gyan ki de kar jyoti,
Path-param par le jaay.
Tera prem hi sat hai,
Asat ka ant karata jaay.
Prabhu ke samrajya me pravesh karaye,
Jivan-anant dilaay.
