Anter drishti deta gyan tera,
Sandeh na koi rah jate hain.
Andh vishwas ke kile sab,
Pal me dhah jate hain.
Shubh ashubh aashankaon ke,
Ghere tut jate hain.
Bhav-bandhan janam-maran ke,
phere chhut jate hain.
Tan man bhav shuddha ho jate,
Sab swachchha dikhai dete hain.
Atma ke prakash se,
Prachchhanna dikhai dete hain.
Tere charano ke chintan se,
Chit nirmal ho jata hai.
Samrajya shanti ka chha jata,
Man vimal ho jata hai.
Teri vibhutiyon ke smaran se,
Bhakti-bhav bhar aate hain.
Ho kar ek parayan tere,
Charano par shish jhukate hain.
Chhod kar sab sahare hey Maa!
Teri sharan jo aate hain.
Ho kar mukt bhav-bandhano se,
Param pad pa jate hain.
Kitne krit-kritya huwe,
Kuchha kaha nahi jata hai.
Dhanya-dhanya ho gaye ham,
Kahe bin raha nahi jata hai.
Ab na harsh vishad,
Bhay shok na kamanaye hain.
Shubh-ashubh hani-labh,
Vigat sab Vasnaye hain.
Santustha sab prakar sahaj me,
Ninda-stuti me sambhav hain.
Asha-nirasha raag-dwesh,
Vilag sab bhed-bhav hain.
Shatru-mitra maan-apman,
Shitoshna sukh-dukh saman hai.
Bhakti-bhav bhari sthir buddhi,
Koi na man abhiman hai.
Ho kar suddha sab prakar,
Tan man arpan karata hoon.
Bhav-shunya swachchha hridya se,
Sarwaswa samarpan karata hoon.
Teri pratigya satya atal hai,
Khali kabhi nahi jata hai.
Hai vishwas hi swarup satya ka,
Shraddha-bhakti vishwas tujhe bhata hai.
Tyag kar mithya jag ko,
Hamane tujhko apanaya hai.
Sab kuchha kho kar sahaj me,
Apane aap ko paya hai.
Ho kar akagrachit tujhko,
Sashtang namaskat karata hoon.
Pa kar paramgati pad-kamalon par,
Tujh Parmatma ka shakshatkar karata hoon.
Kshma karo hey Maa! aparadh mere,
Ashraya charano par de do hey Maa!
Agyan abodh iss balak ko,
Godd me apani le lo hey Maa!.
